ප්‍රේමයේ රුක් ගොමුව
ඉවුරු වත බදා වැලඳ
තුරු අතැගිලි රටා සෙවනැලි
දිය මුව මතට වැටි පිරිමැද
සිපගත්ත රැකගත්ත
සොදුරු ආදර කතාවකි
අතවනා වලාකුලකට
එකතු කර වැහි දියකැට
පිරුණු පවුලක නැවුම් ප්‍රේමය
ගඟ දිය සළුව පොරවා
අද්දර සිට තුරුලු වුන
සිටිපියවර විසල් ගස
නුඹ පෙම්බැදි ගඟ දිය කොමලිය
සුරැකි පතිවත සාර සොබා ගුණ
රාජ සභා මැද වුනා සළු පට
මිලට ගෙන සුනිල් වන් දිවර
අද්දර සොදුරු ජිවන පුවත
කටුගා පැන් පහරින්
කිසිදා හමුනොවන විලසින්
විසල් කොන්ක්‍රීට් ඉවුරු අතුරා
ගඟ බිමෙන් වෙන් කොට
උදුරා මුල් රැස සුරැකි ප්‍රේමය
හුදකලා කොට ගස සහ ගඟ
මිරිකා ජිවිත උරා ගෙන
පටු පවුරු ඉවුරු අභියස
මල් මිටින් ගඟ හැඬකල
පරව මියැදෙන සාපය
දිනෙක ගිණි ලනු ඇත
No comments:
Post a Comment